गन्ती 26

¹विपत्तिपछि परमप्रभुले मोशा र हारून पूजाहारीका छोरा एलाजारलाई यसो भन्‍नुभयो, ⓟ

²“इस्राएली समुदायबाट बीस वर्ष र उँभोका जति जना लड़ाइँमा जान सक्‍छन्, तिनीहरूलाई आ-आफ्‍नो परिवारअनुसार गन्‍ती गर्‌।”

³तब मोशा र एलाजार पूजाहारीले यरीहो पारि यर्दन नदीको किनारनेर मोआबको मैदानमा तिनीहरूलाई भेला गराएर यसो भने,

⁴“परमेश्‍वरले मोशालाई आज्ञा गर्नुभएबमोजिम बीस वर्ष र उँभोका मानिसहरूको गन्‍ती गर्‌।” मिश्रबाट निस्‍केर आएका इस्राएलीहरू यी नै हुन्‌:

⁵इस्राएलका जेठा छोरा रूबेनका सन्‍तान: हानोकबाट हानोकीहरूको वंश,पल्‍लुबाट पल्‍लुईहरूको वंश,

⁶हेस्रोनबाट हेस्रोनीहरूको वंश,कर्मीबाट कर्मीहरूको वंश भए।

⁷रूबेनीहरूका वंशहरू यी नै हुन्‌। तिनीहरूको संख्‍या ४३,७५० थियो।

⁸पल्‍लुका छोरा एलीआब थिए।

⁹एलीआबका छोराहरू नमूएल, दातान र अबीराम थिए। यिनीहरू तिनै दातान र अबीराम, समुदायका पदाधिकारी हुन्, जो कोरहको दलमा मिसिएर मोशा र हारूनसँग झगड़ा गरेर परमप्रभुको विरुद्धमा उठेका थिए।

¹⁰तब धरतीले मुख बाएर तिनीहरूलाई कोरहसँगै निलेको थियो, जुन बेला दुई सय पचास जना आगोले भस्‍म भएका थिए। तिनीहरू एक दृष्‍टान्‍त बनेका थिए।

¹¹तर कोरहका छोराहरूचाहिँ मरेका थिएनन्‌।

¹²शिमियोनका सन्‍तान तिनीहरूका वंश-वंशअनुसार: नमूएलबाट नमूएलीको वंश,यामीनबाट यामीनीहरूको वंश,याकीनबाट याकीनीहरूको वंश,

¹³जेरहबाट जेरहातीहरूको वंश, शौलबाट शौलीहरूको वंश,

¹⁴शिमियोनीहरूका वंशहरू यी नै हुन्‌। तिनीहरूको संख्‍या २२,२०० थियो।

¹⁵गादका सन्‍तान तिनीहरूका वंश-वंशअनुसार: सेफोनबाट सेफोनीहरूको वंश, हाग्‍यीबाट हाग्‍यीहरूको वंश, शूनीबाट शूनीहरूको वंश,

¹⁶ओजनीबाट ओजनीहरूको वंश,एरीबाट एरीहरूको वंश,

¹⁷अरोदीबाट अरोदीहरूको वंश,अरेलीबाट अरेलीहरूको वंश भए।

¹⁸गादीहरूका वंशहरू यी नै हुन्‌। तिनीहरूको संख्‍या ४०,५०० थियो।

¹⁹एर्‌ र ओनान यहूदाका छोराहरू थिए, तर तिनीहरू कनान देशमा मरे।

²⁰यहूदाका सन्‍तान तिनीहरूका वंश-वंशअनुसार: शेलहबाट शेलानीहरूको वंश,फारेसबाट फारेसीहरूको वंश,जेरहबाट जेरहातीहरूको वंश भए।

²¹फारेसका सन्‍तान:हेस्रोनबाट हेस्रोनीहरूको वंश,हामूलबाट हामूलीहरूको वंश भए।

²²यहूदाको कुलका वंशहरू यी नै हुन्‌। तिनीहरूको संख्‍या ७६,५०० थियो।

²³इस्‍साखारका सन्‍तान तिनीहरूका वंश-वंशअनुसार: तोलाबाट तोलाहीहरूको वंश,पुवाबाट पुवातीहरूको वंश,

²⁴याशूबबाट याशूबीहरूको वंश,शिम्रोनबाट शिम्रोनीहरूको वंश भए।

²⁵इस्‍साखारको कुलका वंशहरू यी नै हुन्‌। तिनीहरूको संख्‍या ६४,३०० थियो।

²⁶जबूलूनका सन्‍तान तिनीहरूका वंश-वंशअनुसार: सेरेदबाट सेरेदीहरूको वंश,एलोनबाट एलोनीहरूको वंश,यहलेलबाट यहेलेलीहरूको वंश भए।

²⁷जबूलूनीहरूका वंशहरू यी नै हुन्‌। तिनीहरूको संख्‍या ६०,५०० थियो।

²⁸योसेफका सन्‍तान मनश्‍शे र एफ्राइमबाट तिनीहरूका वंश-वंशअनुसार यी नै हुन्‌:

²⁹मनश्‍शेका सन्‍तान: माकीरबाट माकीरीहरूको वंश (माकीर गिलादका पिता थिए।),

³⁰गिलादबाट गिलादीहरूको वंश भए। गिलादका सन्‍तान:ईएजेरबाट ईएजेरीहरूको वंश,हेलेकबाट हेलेकीहरूको वंश,

³¹अस्रीएलबाट अस्रीएलीहरूको वंश,शकेमबाट शकेमीहरूको वंश,

³²शमीदाबाट शमीदीहरूको वंश, हेपेरबाट हेपेरीहरूको वंश भए। (हेपेरका छोरा सलोफादको कोही छोरा थिएन, तर छोरीहरू मात्र थिए।

³³सलोफादका छोरीहरूका नाउँ महला, नोआह, होग्‍ला, मिल्‍का र तिर्सा थिए।)

³⁴मनश्‍शेको कुलका वंशहरू यी नै हुन्‌। तिनीहरूको संख्‍या ५२,७०० थियो।

³⁵एफ्राइमका सन्‍तान तिनीहरूका वंश-वंशअनुसार: शूतेलहबाट शूतेलहीहरूको वंश,बेकेरबाट बेकेरीहरूको वंश,तहनबाट तहनीहरूको वंश भए।

³⁶शूतेलहका सन्‍तान:एरानबाट एरानीहरूको वंश भयो।

³⁷एफ्राइमको कुलका वंशहरू यी नै हुन्‌। तिनीहरूको संख्‍या ३२,५०० थियो। योसेफका सन्‍तान तिनीहरूका वंश-वंशअनुसार यी नै हुन्‌।

³⁸बेन्‍यामीनका सन्‍तान तिनीहरूका वंश-वंशअनुसार: बेलाबाट बेलाहीहरूको वंश,अश्‍बेलबाट अश्‍बेलीहरूको वंश,अहीरामबाट अहीरामीहरूको वंश,

³⁹शूपामबाट शूपामीहरूको वंश, हूपामबाट हूपामीहरूको वंश भए।

⁴⁰आर्द र नामानबाट बेलाका सन्‍तान:आर्दबाट आर्दीहरूको वंश,नामानबाट नामानीहरूको वंश भए।

⁴¹बेन्‍यामीनको कुलका वंशहरू यी नै हुन्‌। तिनीहरूको संख्‍या ४५,६०० थियो।

⁴²दानका सन्‍तान तिनीहरूका वंश-वंशअनुसार: शूहामबाट शूहामीहरूको वंश भयो। दानको कुलका वंशहरू यी नै हुन्‌।

⁴³यी सबै शूहामीहरूका वंशहरू भए। तिनीहरूको संख्‍या ६४,४०० थियो।

⁴⁴आशेरका सन्‍तान तिनीहरूका वंश-वंशअनुसार: यिम्‍नाबाट यिम्‍नीहरूको वंश,यिश्‍वीबाट यिश्‍वीहरूको वंश,बरीआबाट बरीअतीहरूको वंश भए,

⁴⁵अनि बरीआका सन्‍तानबाट:हेबेरबाट हेबेरीहरूको वंश,मल्‍कीएलबाट मल्‍कीएलीहरूको वंश भए।

⁴⁶(आशेरकी छोरीको नाउँ सेरह थियो।)

⁴⁷आशेरको कुलका वंशहरू यी नै हुन्‌। तिनीहरूको संख्‍या ५३,४०० थियो।

⁴⁸नप्‍तालीका सन्‍तान तिनीहरूको वंश-वंशअनुसार: यहसीलबाट यहसीलीहरूको वंश,गुनीबाट गुनीहरूको वंश,

⁴⁹येसेरबाट येसेरीहरूको वंश,शिल्‍लेमबाट शिल्‍लेमीहरूको वंश भए।

⁵⁰नप्‍तालीको कुलका वंशहरू यी नै हुन्‌। तिनीहरूको संख्‍या ४५,४०० थियो।

⁵¹इस्राएलीहरूका पुरुषहरूको जम्‍मा संख्‍या ६,०१,७३० थियो।

⁵²परमप्रभुले मोशालाई भन्‍नुभयो, ⓠ

⁵³“तिनीहरूका नाउँको संख्‍याअनुसार देश तिनीहरूका अधिकारको निम्‍ति बाँड़िओस्‌।

⁵⁴ठूलो कुललाई ठूलै भूमि र सानो कुललाई सानै भूमि गरी तैंले दिनू। एक-एक कुललाई त्‍यसका मानिसको संख्‍याअनुसार अधिकार दिइओस्‌।

⁵⁵तापनि त्‍यो देश चिट्ठा हालेरै बाँड़िओस्‌। तिनीहरूका आ-आफ्‍ना पुर्खाका कुलको नाउँअनुसार तिनीहरूले अधिकार गरून्‌।

⁵⁶ठूला र सानाका बीचमा अधिकार चिट्ठा हालेर नै बाँड़िओस्‌।”

⁵⁷तिनीहरूका वंश-वंशअनुसार गनिएका लेवीहरू यी नै हुन्‌: गेर्शोनबाट गेर्शोनीहरूको वंश,कहातबाट कहातीहरूको वंश,मरारीबाट मरारीहरूको वंश भए।

⁵⁸लेवीको कुलका वंशहरू यी पनि हुन्‌:लिब्‍नीहरूको वंश, हेब्रोनीहरूको वंश,महलीहरूको वंश, मूशीहरूको वंश,कोरहीहरूको वंश, (कहात अम्रामका पुर्खा थिए।

⁵⁹अम्रामकी पत्‍नीको नाउँ योकेबेद थियो। तिनीचाहिँ लेवीको कुलबाट मिश्रदेशमा जन्‍माइएकी छोरी थिइन्‌। तिनले अम्रामबाट हारून, मोशा र तिनीहरूकी दिदी मिरियमलाई जन्‍माइन्‌।

⁶⁰नादाब, अबीहू, एलाजार र ईतामार हारूनका छोराहरू थिए। ⓡ

⁶¹तर नादाब र अबीहूचाहिँ परमप्रभुको सामु अन्‍य अग्‍निद्वारा बलि चढ़ाउँदा मरेका थिए।) ⓢ

⁶²एक महिना र त्‍यसभन्‍दा माथिका लेवी पुरुषहरूको संख्‍या २३,००० थियो। तिनीहरू अरू इस्राएलीहरूका साथमा गनिएका थिएनन्, किनभने इस्राएलीहरूका बीचमा तिनीहरूलाई कुनै अधिकार दिइएको थिएन।

⁶³मोशा र एलाजार पूजाहारीबाट गनिएका सबै यिनीहरू नै थिए। तिनीहरूले इस्राएलीहरूलाई यरीहोदेखि पारि यर्दन नदीको किनारनेर मोआबको मैदानमा गनेका थिए।

⁶⁴तर यिनीहरूमध्‍ये मोशा र हारून पूजाहारीले सीनैको उजाड़-स्‍थानमा गनेका इस्राएलीहरूमा एउटै पनि थिएन,

⁶⁵किनभने “तिनीहरू उजाड़-स्‍थानमा नै मर्नेछन्‌” भनी परमप्रभुले भन्‍नुभएको थियो। यपुन्‍नेको छोरा कालेब र नूनका छोरा यहोशूबाहेक तिनीहरूमध्‍येको एउटै मानिस पनि जीवित थिएन। ⓣ