अय्‍यूब 28

¹“चाँदीका खानीहरू हुन्‍छन्‌र सुन विशुद्ध गर्ने ठाउँहरू छन्‌।

²जमिनबाट फलाम निकाल्‍ने स्‍थानहरू छन्‌र काँचो धातु गलाएर तामा निकालिन्‍छ।

³मानिसले अन्‍धकारलाई शेष गरिदिन्‍छ, ऊ पृथ्‍वीको गहिरोभित्र अँध्‍यारोमा खनिजको खोजी गर्छ।

⁴मानिसहरू बसेका ठाउँभन्‍दा धेरै टाढ़ामा, अथवा मानिसहरूका खुट्टाले नटेकेको ठाउँमा उसले खानीमा तल जाने प्‍वालहरू खन्‍छ, त्‍यहीँ ऊ एकान्‍तमा, डोरीमा झुण्‍डिएर सुरुङमा काम गर्छ।

⁵अन्‍न उम्रने माटोलाई आगोमा परिवर्तन गरिन्‍छ।

⁶त्‍यसका चट्टानहरूबाट नीर निस्‍कन्‍छर त्‍यसको धूलोमा सुनका कण हुन्‍छन्‌।

⁷कुनै शिकारी-पक्षीले त्‍यहाँ जाने बाटो चिन्‍दैन अनि बाजको तीखो आँखाले पनि त्‍यो देखेको हुँदैन।

⁸रवाफिला पशुले त्‍यसमाथि टेक्‍दैनन्, कुनै सिंह पनि त्‍यहाँ पस्‍दैन।

⁹मानिसले आफ्‍नो हातले कड़ा ढुङ्गा काट्‌दछ,र पहाड़हरूका फेदलाई उदाङ्ग बनाउँछ।

¹⁰त्‍यसले चट्टानमा सुरुङ खन्‍दछ, त्‍यसले बहुमूल्‍य पत्‍थरहरू देख्‍तछ,

¹¹त्‍यसले खोलाका मूलहरू खोज्‍दछ,र जमिनभित्र भएका गाड़धनहरू निकाल्‍दछ।

¹²“तर बुद्धिचाहिँ कहाँ पाइन्‍छ? समझशक्तिको मूल कहाँ छ?

¹³मानिसले त्‍यसको मूल्‍य थाहा पाउँदैन, जीवित मानिसहरूको देशमा त्‍यो पाइँदैन।

¹⁴महासागरको गहिराइले भन्‍दछ, ‘त्‍यो मसँग छैन’। अनि समुद्र भन्‍दछ, ‘त्‍यो मसित छैन’।

¹⁵निखुर सुनले त्‍यो किन्‍न सकिँदैन, न त चाँदीसँग त्‍यसको मोल गर्न सकिन्‍छ।

¹⁶ओपीरको सुनले त्‍यो किन्‍न सकिँदैन अथवा बहुमूल्‍य आनिक्‍स वा नीरसित त्‍यो किन्‍न सकिँदैन।

¹⁷सुन र स्‍फटिकसँग त्‍यसको तुलना गर्न सकिँदैन, न त निखुर सुनको गहनासित त्‍यो साट्‌न सकिन्‍छ।

¹⁸मूगा र बिल्‍लौरको ता कुरै गर्नुपर्दैन, बुद्धिको मूल्‍य मानिकभन्‍दा धेरै हुन्‍छ।

¹⁹कूश देशको पुष्‍पराज त्‍यसको बराबर हुन सक्‍दैन। निखुर सुनले त्‍यो किन्‍न सकिँदैन।

²⁰“तब बुद्धि कहाँबाट आउँछ?र समझशक्तिको मूल कहाँ छ?

²¹संसारको कुनै जीवित प्राणीले त्‍यो देख्‍न सक्‍दैन, आकाशको पक्षीबाट पनि त्‍यो लुकाइएको हुन्‍छ।

²²विनाश र मृत्‍युले भन्‍दछन्, ‘हामीले ता सुनेका मात्र हौं’।

²³परमेश्‍वरले त्‍यसको चाल बुझ्‍नुहुन्‍छ, उहाँले मात्र त्‍यो कहाँ बस्‍छ जान्‍नुहुन्‍छ।

²⁴किनभने उहाँले पृथ्‍वीको पल्‍लो छेउसम्‍म देख्‍नुहुन्‍छ,र उहाँले आकाशमुनिका सबै कुरालाई निरीक्षण गर्नुहुन्‍छ।

²⁵जब परमेश्‍वरले बतासलाई शक्ति दिनुभयो,र समुद्रको सिमाना बाँधिदिनुभयो,

²⁶जब उहाँले वृष्‍टिको हद तोकिदिनुभयो,र बिजुली बज्रको मार्ग तोकिदिनुभयो।

²⁷त्‍यस बेला उहाँले बुद्धिलाई देखेर त्‍यसलाई जाँच्‍नुभयो। उहाँले त्‍यसलाई विचार गर्नुभयो, र त्‍यसको भेद बुझ्‍नुभयो।

²⁸अनि उहाँले मानिसलाई भन्‍नुभयो, ⓥ परमेश्‍वरको डर नै बुद्धि होर दुष्‍टताबाट अलग रहनु समझशक्ति हो।”