हिब्रू 8

¹अब हामीले भन्‍न चाहेको कुराचाहिँ यही हो: हाम्रा यस्‍ता प्रधान पूजाहारी हुनुहुन्‍छ, जो स्‍वर्गमा महान्‌ परमेश्‍वरका सिंहासनको दाहिनेपट्टि विराजमान हुनुहुन्‍छ। ⓘ

²मानिसले होइन, तर परमप्रभुले खड़ा गर्नुभएको पवित्रस्‍थान, साँचो पवित्र वासस्‍थानमा उहाँ सेवक हुनुहुन्‍छ।

³किनकि हरेक प्रधान पूजाहारी भेटी र बलिदान चढ़ाउन नियुक्त भएका हुन्‍छन्‌। यसकारण यी प्रधान पूजाहारीसँग पनि अर्पण गर्ने केही सामग्री हुनु आवश्‍यक छ।

⁴उहाँ यस पृथ्‍वीमै हुनुहुँदो हो त उहाँ पूजाहारी हुनुहुने नै थिएन, किनभने व्‍यवस्‍थाबमोजिम भेटी चढ़ाउने पूजाहारीहरू त छँदैछन्‌।

⁵तिनीहरूले स्‍वर्गीय पवित्रस्‍थानको नकल र छायाको सेवा गर्दछन्, किनकि मोशाले पवित्र वासस्‍थान बनाउन लाग्‍दा परमेश्‍वरको यस्‍तो आदेश पाएका थिए, “पर्वतमा तिमीलाई देखाइदिएको नमूनाबमोजिम तिमीले सब थोक बनाउनू।” ⓙ

⁶तर यसै पनि ख्रीष्‍टले प्राप्‍त गर्नुभएको सेवा त्‍यतिकै बढ़ी श्रेष्‍ठ छ, जत्तिको उहाँले मध्‍यस्‍थता गर्नुभएको करार पुरानोभन्‍दा उत्तम छ। किनभने यो करारको जग उत्तम प्रतिज्ञाहरूमा बसालिएको छ।

⁷किनभने पहिलो करार खोटरहित भएको भए त दोस्रोको आवश्‍यकता पर्नेथिएन।

⁸किनभने ती मानिसहरूको दोष देखाउँदै उहाँ भन्‍नुहुन्‍छ, ⓚ “परमप्रभु भन्‍नुहुन्‍छ, ती दिन आउनेछन्,जब इस्राएलको घरानासँग र यहूदाको घरानासँगम एउटा नयाँ करार स्‍थापना गर्नेछु।

⁹तिनीहरूका पुर्खाहरूसँग मैले बाँधेको करारजस्‍तै यो हुनेछैन,जब मैले तिनीहरूलाई हातमा समातेरमिश्रदेशबाट डोर्‍याएर ल्‍याएको थिएँ।परमप्रभु भन्‍नुहुन्‍छ, तिनीहरू मेरो करारमा स्‍थिर भई बसेनन्,यसैले मैले तिनीहरूको वास्‍ता गरिनँ।

¹⁰परमप्रभु भन्‍नुहुन्‍छ, ती दिनपछिम इस्राएलको घरानासँग यो करार बाँध्‍नेछु,तिनीहरूका मनमा मेरो व्‍यवस्‍था राखिदिनेछु,र तिनीहरूका हृदयमा त्‍यो लेखिदिनेछु,र म तिनीहरूका परमेश्‍वर हुनेछु,अनि तिनीहरू मेरा प्रजा हुनेछन्‌।

¹¹‘परमप्रभुलाई चिन’ भनेर अब उसो कुनै मानिसलेआफ्‍नो छिमेकीलाई वा आफ्‍ना दाजुभाइलाई सिकाउनेछैन।किनकि सानादेखि लिएर ठूलासम्‍म तिनीहरू सबैले मलाई चिन्‍नेछन्‌।

¹²किनकि तिनीहरूका अपराधहरू म क्षमा गर्नेछु,र तिनीहरूका पाप फेरि कहिल्‍यै सम्‍झनेछैनँ।”

¹³यस करारलाई “नयाँ” भन्‍नुभएकोले नै पहिलालाई उहाँले पुरानो तुल्‍याउनुभयो। र जुनचाहिँ पुरानो भएर थोत्रो हुँदैजान्‍छ, त्‍यो लोप भएर जानेछ।