प्रस्‍थान 15

¹तब मोशा र इस्राएलीहरूले परमप्रभुको नाउँमा यो स्‍तुति गाए: ⓨ “म परमप्रभुको स्‍तुतिगान गाउनेछु,किनकि उहाँ धेरै उचालिनुभएको छ।घोड़ा र त्‍यसको सवारलाईउहाँले समुद्रमा फालिदिनुभएको छ।

²परमप्रभु नै मेरो शक्ति र गीत हुनुहुन्‍छ, ⓩर उहाँ मेरो मुक्ति हुनुभएको छ।उहाँ मेरा परमेश्‍वर हुनुहुन्‍छ, म उहाँको स्‍तुति गर्नेछु।मेरा पिता-पुर्खाका परमेश्‍वर, म उहाँको नाउँ उच्‍च पार्नेछु।

³परमप्रभु नै योद्धा हुनुहुन्‍छ,उहाँको नाउँ परमप्रभु हो।

⁴फारोका रथहरू र उनका सेनालाई समेतउहाँले समुद्रमा फालिदिनुभएको छ।फारोका सर्वश्रेष्‍ठ अधिकृतहरू लाल समुद्रमा डुबे।

⁵गहिरा पानीले उनीहरूलाई छोपे।उनीहरू ढुङ्गाझैँ गहिराइमा डुबे।

⁶हे परमप्रभु, तपाईंको दाहिने बाहुलीशक्तिमा प्रतापी थियो, हे परमप्रभु,तपाईंको दाहिने बाहुलीलेशत्रुहरूलाई चकनाचूर पार्‍यो।

⁷तपाईंका विरुद्धमा उठ्‌नेहरूलाईतपाईंका गौरवको उच्‍चतामा तपाईंले तल झार्नुभयो।तपाईंले आफ्‍नो जल्‍दो क्रोध प्रकट गर्नुभयो,र त्‍यसले उनीहरूलाई ठोसाझैँ भस्‍म पार्‍यो।

⁸तपाईंका नाकको सासले पानीको थुप्रो लाग्‍यो, उर्लिंदो पानी एकै थुप्रो भई पर्खालजस्‍तो स्‍थिर भई उभियो, गहिरो पानी समुद्रको बीचमा जम्‍यो।

⁹“शत्रुले धाक लगायो,‘म तिनीहरूलाई खेदेर भेट्टाउनेछु,लुटिएका मालहरू म बाँड्‌नेछु।तिनीहरूमा म टन्‍न भोज गर्नेछु।म मेरो तरवार थुत्‍नेछु,र मेरो हातले तिनीहरूलाई नष्‍ट पार्नेछु।’

¹⁰तर तपाईंले आफ्‍नो सास फुक्‍नुभयो,र समुद्रले उनीहरूलाई छोप्‍यो।शक्तिशाली समुद्रमा उनीहरू सीसाझैँ डुबे।

¹¹हे परमप्रभु, देवताहरूमातपाईंझैँ को छ र?पवित्रतामा अति महान्, महिमामा भययोग्‍य,र उदेकका कर्म गर्नुहुने तपाईंझैँ को छ र?

¹²तपाईंले आफ्‍नो दाहिने बाहुली पसार्नुभयो,र पृथ्‍वीले उनीहरूलाई निलिहाल्‍यो।

¹³“तपाईंले छुटकारा गर्नुभएका मानिसहरूलाईतपाईंले आफ्‍नो नचुक्‍ने प्रेममा डोर्‍याउनुहुनेछ।तपाईंले आफ्‍नो शक्तिद्वारै तिनीहरूलाईआफ्‍नो पवित्र वासस्‍थानमा अगुवाइ गर्नुहुनेछ।

¹⁴जातिहरूले सुन्‍नेछन्‌ र काम्‍नेछन्‌।पलिश्‍त देशमा वास गर्नेहरूलाई पीडाले पक्रनेछ।

¹⁵एदोमका अधिपतिहरू भयभीत हुनेछन्,मोआबका नेताहरूलाई कम्‍पले पक्रनेछ।कनानका सारा बासिन्‍दाहरू पग्‍लनेछन्,डर र त्रास उनीहरूमाथि पर्नेछ।

¹⁶हे प्रभु, तपाईंका प्रजा पार नहोउञ्‍जेल,तपाईंले किन्‍नुभएका प्रजा पार नहोउञ्‍जेलतपाईंका पाखुराको शक्तिलेउनीहरू पत्‍थरझैँ अचल रहनेछन्‌।

¹⁷तपाईंले तिनीहरूलाई ल्‍याएर तपाईंकोआफ्‍नो उत्तराधिकारको पर्वतमा रोप्‍नुहुनेछ— त्‍यसै ठाउँमा,हे परमप्रभु, जो तपाईंले आफ्‍नो वासको निम्‍ति बनाउनुभयो,त्‍यही पवित्रस्‍थानमा, हे परमप्रभु, जो तपाईंका बाहुलीहरूले स्‍थापना गरे।

¹⁸परमप्रभुले सदासर्वदै राज्‍य गर्नुहुनेछ।”

¹⁹जब फारोका घोड़ाहरू र उनका रथहरू र घोड़चढ़ीहरू समुद्रमा परे, तब परमप्रभुले उनीहरूमाथि समुद्रको पानी फर्काएर ल्‍याउनुभयो, तर इस्राएलीहरू समुद्रको बीचबाट ओबानो जमिनमा हिँड़ेर गए।

²⁰तब हारूनकी दिदी, मिरियम अगमवादिनीले हातमा खैँजड़ी लिइन्, र सबै स्‍त्रीहरू पनि खैँजड़ी लिएर नाच्‍दै तिनका पछिपछि निस्‍के।

²¹मिरियम यसो भन्‍दै गाउन लागिन्‌: “परमप्रभुको स्‍तुति गाओ,किनभने उहाँ धेरै उचालिनुभएको छ।घोड़ा र त्‍यसको सवारलाई उहाँले समुद्रमा फालिदिनुभएको छ।”

²²तब मोशाले इस्राएलीहरूलाई लाल समुद्रबाट अगि डोराएर लगे, र तिनीहरू शूरको उजाड़-स्‍थानतिर लागे। उजाड़-स्‍थानमा हिँड्‌दा तीन दिनसम्‍म तिनीहरूले पानी पाएनन्‌।

²³अनि मारा [1] भन्‍ने ठाउँमा आएपछि माराको पानी तिनीहरूले खान सकेनन्, किनकि त्‍यो तीतो थियो। (यसैले त्‍यसको नाउँ मारा भयो।)

²⁴यसकारण मानिसहरू “हामीले के पिउने?” भनेर मोशासित गनगनाउन लागे।

²⁵तब मोशाले परमप्रभुलाई पुकारा गरे। अनि परमप्रभुले तिनलाई एउटा काठको टुक्रा देखाइदिनुभयो, र तिनले त्‍यो पानीमा हाल्‍दा पानी मीठो भयो। त्‍यहीँ नै परमप्रभुले तिनीहरूका निम्‍ति एक विधि र विधान बनाउनुभयो, र उहाँले तिनीहरूको जाँच गर्नुभयो।

²⁶र उहाँले भन्‍नुभयो, “तिमीहरूले परमप्रभु आफ्‍ना परमेश्‍वरका कुरा ध्‍यानसित सुन्‍यौ, उहाँको दृष्‍टिमा जे ठीक छ सो गर्‍यौ, र उहाँका आज्ञाहरूमा ध्‍यान लगायौ, र उहाँका सबै विधिहरू मान्‍यौ भने, जुन रोगहरू मैले मिश्रीहरूमाथि ल्‍याएको थिएँ, तीमध्‍ये एउटै पनि तिमीहरूमाथि ल्‍याउनेछैनँ, किनकि तिमीहरूलाई निको पार्ने म परमप्रभु हुँ।”

²⁷अनि तिनीहरू एलीममा आइपुगे, जहाँ बाह्र वटा पानीका मूल र सत्तरी वटा खजूरका बोटहरू थिए। तिनीहरूले त्‍यही पानीनेर पाल टाँगे।