व्यवस्था 32

¹हे आकाश, सुन, म बोल्‍दछु, हे पृथ्‍वी, कान थाप, मेरा मुखका वचनहरूप्रति।

²मेरा शिक्षा झरीझैँ बर्सन देओ,मेरो वचन शीतझैँ झर्न देओ,कलिलो घाँसमाथि सिमसिमे पानीझैँ,झारपातमाथि दर्कने पानीझैँ।

³म परमप्रभुका नाउँको घोषणा गर्नेछु।परमेश्‍वरका महानताको प्रशंसा गर!

⁴उहाँ नै चट्टान हुनुहुन्‍छ।उहाँका काम सिद्ध छन्,र उहाँका सबै चाल न्‍यायोचित छन्‌।एउटा विश्‍वासयोग्‍य परमेश्‍वर जसले भूल गर्नुहुन्‍न,न्‍यायी र सत्‍य उहाँ हुनुहुन्‍छ।

⁵तिनीहरूले उहाँसँग भ्रष्‍ट व्‍यवहार गरे।लाजमर्दो कुरो, तिनीहरू अबदेखि उहाँका सन्‍तान होइनन्‌।तिनीहरू बाङ्गो र टेढ़ो पुस्‍ताका मानिसहरू हुन्‌।

⁶के यसरी नै तिमीहरूले परमप्रभुलाई कृतज्ञता देखाउँछौ,हे मूर्ख र बुद्धि नभएका मानिसहरू तिमीहरूलाई सृष्‍टि गर्ने र बनाउनेउहाँ नै तिमीहरूका पिता,तिमीहरूका सृष्‍टिकर्ता हुनुहुन्‍न र?

⁷उहिले-उहिलेका दिनको स्‍मरण गर,युग-युगअघिका पुस्‍ताका बारेमा सोच।तिमीहरूका बुबालाई सोध,र तिनले तिमीहरूलाई बताउनेछन्,तिमीहरूका बुढापाकालाई सोध,र तिनीहरूले तिमीहरूलाई बताउनेछन्‌।

⁸जब सर्वोच्‍चले जाति-जातिहरूलाई उनीहरूका अंश दिनुभयो, ⓟजब उहाँले सबै मानिस-जातिलाई विभाजन गर्नुभयो,तब उहाँले इस्राएलीहरूका सन्‍तानको संख्‍याअनुसारजाति-जातिका सिमाना ठहराइदिनुभयो।

⁹परमप्रभुको निज हिस्‍सा उहाँका मानिसहरू हुन्,याकूब उहाँका अंशको भाग हुन्‌।

¹⁰उहाँले तिनलाई निर्जन स्‍थानमा भेट्टाउनुभयो,गर्जने आवाजले भरिएको उजाड़ ठाउँमा।उहाँले तिनलाई जोगाउनुभयोर तिनको वास्‍ता गर्नुभयो,उहाँले तिनलाई आफ्‍नो आँखाकोनानीझैँ रक्षा गर्नुभयो—

¹¹गुँड़लाई हल्‍लाएर आफ्‍नाबचेराहरूमाथि हावामा उड़िरहने,पखेटा फैलाई बचेराहरूलाई थाम्‍ने,र आफ्‍ना प्‍वाँखमाथि ती बोक्‍ने गरुडले झैँ।

¹²परमप्रभु एक्‍लैले तिनलाई अगुवाइ गर्नुभयो,उहाँसँग विदेशी देवता थिएन।

¹³उहाँले तिनलाई पृथ्‍वीका अग्‍ला ठाउँहरूमाथि सवार गराउनुभयो,अनि तिनलाई खेतको उब्‍जनी खुवाउनुभयो।उहाँले तिनलाई पहराको महर दर्शनढुङ्गाको भीरबाट तेल खुवाउनुभयो।

¹⁴गाई-गोरुको बथान र भेड़ाबाख्राको बगालबाट दूध र दही,अनि पोस्‍याइएका थुमा र बाख्राहरू,बाशानका छानिएका भेड़ाहरू,र गहूँका असल दानाहरू उहाँले तिनलाई खुवाउनुभयो।तिमीहरूले फीँज उठेको दाखरस पियौ।

¹⁵तर यशूरूनले [1]मोटाएर लात हाने, राम्ररी खान पाएर ती मोटा र चिल्‍ला भए।तब तिनले आफूलाई सृष्‍टि गर्नुहुने परमेश्‍वरलाई त्‍यागे,र आफ्‍ना उद्धारकर्ता चट्टानलाई तुच्‍छ ठाने।

¹⁶तिनीहरूले आफ्‍ना अन्‍य देवताहरूको कारणउहाँलाई डाही तुल्‍याए,र आफ्‍ना घृणित मूर्तिहरूद्वारा उहाँलाई रीस उठाए।

¹⁷तिनीहरूले भूतहरूका निम्‍ति बलि चढ़ाए,जो ईश्‍वर होइनन्, ⓠ तिनीहरूले नचिनेका देवताहरूलाई,भर्खरै देखा परेका देवताहरूलाई,तिमीहरूका पिता-पुर्खाले भक्ति नगरेका देवताहरूलाई।

¹⁸तिमीहरूलाई जन्‍माउने चट्टानलाई तिमीहरूले त्‍याग्‍यौ,तिमीहरूलाई जन्‍म दिनुहुनेपरमेश्‍वरलाई तिमीहरूले बिर्स्‍यौ।

¹⁹त्‍यो देखेर परमप्रभुलेतिनीहरूलाई तिरस्‍कार गर्नुभयो,किनभने उहाँका छोराछोरीहरूकोकारण उहाँलाई रीस उठ्यो।

²⁰तब उहाँले भन्‍नुभयो,“म तिनीहरूबाट आफ्‍नो मुख लुकाउनेछु”अनि तिनीहरूको अन्‍त के हुनेछ, म हेर्नेछु।किनकि तिनीहरू उल्‍टा पुस्‍ताका हुन्,विश्‍वासघाती सन्‍तानहरू हुन्‌।

²¹जो ईश्‍वर होइन,त्‍यसको कारण तिनीहरूले मलाई डाही तुल्‍याए, ⓡतिनीहरूका व्‍यर्थका मूर्तिहरूद्वारा तिनीहरूले मलाई रीस उठाए।एउटा जाति नै नभएकामानिसहरूद्वारा म तिनीहरूलाई डाही बनाउँछु,समझै नभएको एउटा जातिद्वारातिनीहरूको रीस उठाउनेछु।

²²किनकि मेरो रीसले एउटा आगो सल्‍काएको छ,जसले तल मृत्‍युको राज्‍यसम्‍मै [2] जलाउँछ।त्‍यसले पृथ्‍वी र त्‍यसको उब्‍जनीलाई भस्‍म पार्नेछ,र पहाड़हरूका जगमा आगो लाउनेछ।

²³“म तिनीहरूमाथि विपत्ति ल्‍याउनेछु,म आफ्‍ना काँड़ तिनीहरूमाथि चलाउनेछु।

²⁴म तिनीहरूका विरुद्धमा नाश गर्ने अनिकाल पठाउनेछु,क्षय गर्ने महामारी र भयङ्कर रूढ़ी। तिनीहरूका विरुद्धजङ्गली जनावरका दाह्रा पठाउनेछु,र भूइँमा घस्रने विषालु सर्पहरू।

²⁵गल्‍ली-गल्‍लीमा तरवारले तिनीहरूलाई निस्‍सन्‍तान बनाउनेछ,तिनीहरूका घर-घरमा आतङ्कले राज्‍य गर्नेछ।युवक-युवतीहरू दुवै नष्‍ट हुनेछन्, दूधे-बालक र केश फुलेका बुढापाका पनि।

²⁶मैले भनें, ‘म तिनीहरूलाईटाढ़ा-टाढ़ासम्‍म तितरबितर पार्नेछु,र मानव-जातिको बीचबाटतिनीहरूको सम्‍झना मेटिदिनेछु’।

²⁷तर मलाई शत्रुको खिसी मन परेन,कहीँ विरोधीले गल्‍ती सम्‍झेर भन्‍ला,‘हाम्रो हातले विजय पायो,परमप्रभुले यो सब गर्नुभएको होइन’।”

²⁸तिनीहरू समझ नभएको जाति हुन्,र तिनीहरूमा केही अन्‍तर्दृष्‍टि नै छैन।

²⁹तिनीहरू बुद्धिमान्‌ भएर यो कुरो बुझ्‍न सक्‍ने भएको भए,र तिनीहरूको अन्‍त के हुन्‍छ सो देखेको भए!

³⁰तिनीहरूको चट्टानले तिनीहरूलाई बेची नसकेको भए,परमप्रभुले तिनीहरूलाई त्‍यागी नसक्‍नुभएको भए,कसरी एक जनाले एक हजारलाई खेद्‌न सक्‍थ्‍यो,वा दुई जनाले दश हजारलाई?

³¹किनकि उनीहरूको चट्टान हाम्रो चट्टानजस्‍तो होइन,हाम्रा शत्रुहरू आफैले पनि यो स्‍वीकार गर्छन्‌।

³²उनीहरूको लहरा सदोमको लहराबाटर गमोराका बारीहरूबाट आएको हो।उनीहरूका दाख विषले भरिएका छन्‌र उनीहरूका दाखका झुप्‍पाहरू तीतोपनले।

³³उनीहरूको दाखमद्य सर्पहरूको विष,गोमनको कड़ा विष हो।

³⁴“के यो मैले साँचेर राखेको छैनँ,र मेरा भण्‍डारमा छाप मारेर राखेको छैनँ?

³⁵बदला लिने काम मेरो हो, म नै बदला लिनेछु। ⓢठीक समयमा उनीहरूको खुट्टा चिप्‍लनेछ,उनीहरूको पतनको दिन नजिक आएको छ।उनीहरूको सर्वनाश उनीहरूमाथि आइपर्दैछ।”

³⁶जब तिनीहरूको बल घटेको ⓣर बँधुवा वा फुक्‍का केही नरहेको उहाँले देख्‍नुहुन्‍छ।तब परमप्रभुले आफ्‍ना मानिसहरूको इन्‍साफ गर्नुहुनेछ,र आफ्‍ना सेवकहरूलाई टिठ्याउनुहुनेछ।

³⁷उहाँले भन्‍नुहुनेछ,“उनीहरूका देवताहरू कहाँ छन्,उनीहरूले शरण लिएको चट्टान?

³⁸यी देवताहरू, जसले उनीहरूका बलिदानको बोसो खान्‍थे,र उनीहरूका अर्घको दाखमद्य पिउँथे?यिनीहरू उठेर तिमीहरूको सहायता गरून्‌!यिनीहरूले तिमीहरूलाई आश्रय देऊन्!

³⁹“अब हेर, म उही हुँ,मबाहेक अरू कोही ईश्‍वर छैन।म नै मार्दछु, र म नै जीवित पार्दछु।म नै चोट लाउँछु, र म नै निको पार्छु,र कसैले मेरो हातबाट छुटाउन सक्‍दैन।

⁴⁰म आफ्‍नो हात स्‍वर्गतिर उठाएर घोषणा गर्छु:म सधैँको लागि जिएझैँ

⁴¹जब म आफ्‍नो चम्‍कने तरवारमा शान लगाउँछु,र मेरो हातले इन्‍साफमा त्‍यो पक्रन्‍छ,तब म मेरा विरोधीहरूमाथि बदला लिनेछु,र मलाई तिरस्‍कार गर्नेहरूलाई साटो फेर्नेछु।

⁴²म मेरा काँड़हरूलाई रगतले मत्‍याउनेछु,जब मेरो तरवारले मासु खाँदछ,मारिएका र कैदमा परेकाहरूको रगत,शत्रुहरूका नायकहरूका शिर!”

⁴³हे जातिहरू हो, उहाँको प्रजासँग रमाओ, ⓤकिनकि उहाँले आफ्‍ना दासहरूका रगतको बदला लिनुहुनेछ।उहाँले आफ्‍ना शत्रुहरूमाथि साटो लिनुहुनेछ,र आफ्‍नो देश र आफ्‍नो प्रजाको लागि प्रायश्‍चित गर्नुहुनेछ।

⁴⁴मोशा र नूनका छोरा यहोशू आएर मानिसहरूलाई यस भजनका सबै शब्‍दहरू सुनाए।

⁴⁵जब मोशाले सारा इस्राएलीहरूलाई यी सबै वचनहरू भनिसिद्ध्याए,

⁴⁶तब तिनले तिनीहरूलाई भने, “आज मैले तिमीहरूलाई गम्‍भीरतापूर्वक दिएका सबै वचनहरू आफ्‍नो मनमा राख, ताकि आफ्‍ना छोराछोरीहरूलाई पनि यस व्‍यवस्‍थाका सबै वचनहरू होशियारीसाथ पालन गर्ने आज्ञा दिन सक।

⁴⁷यी तिमीहरूका लागि व्‍यर्थका शब्‍द होइनन्‌। यी तिमीहरूका लागि जीवन हुन्‌। यीद्वारा नै यर्दन पारि अधिकार गर्नलाई जान लागेको देशमा तिमीहरू दीर्घायु हुनेछौ।”

⁴⁸परमप्रभुले त्‍यही दिन मोशालाई यसो भन्‍नुभयो, ⓥ

⁴⁹“यरीहोको सामु मोआब देशमा भएको अबारीम पहाड़को नेबो डाँड़ामाथि उक्‍लेर जा, र मैले इस्राएलीहरूको अधिकारमा दिने कनान देशलाई हेर्‌।

⁵⁰अनि जसरी तेरो दाजु हारून होर पर्वतमा मर्‍यो अनि मरिगएका आफन्‍तहरूकहाँ गयो, त्‍यसरी तँ उक्‍लेर जाने त्‍यस पर्वतमा मर्नेछस्‌ र मरिगएका तेरा आफन्‍तहरूकहाँ जानेछस्‌।

⁵¹किनभने तिमीहरू दुवैले जीनको उजाड़-स्‍थानको मेरीबा-कादेशका पानीमा इस्राएलीहरूका बीचमा मलाई विश्‍वासघात गर्‍यौ, किनकि तिमीहरूले इस्राएलीहरूका बीचमा मेरो पवित्रताको कदर गरेनौ।

⁵²त्‍यसैकारण मैले इस्राएलीहरूलाई दिने त्‍यस देशलाई तैंले टाढ़ैबाट मात्र देख्‍नेछस्, तर त्‍यहाँ तँ जान पाउनेछैनस्‌।”