१ इतिहास 24

¹हारूनका छोराहरूका विभाजन: हारूनका छोराहरू नादाब, अबीहू, एलाजार र ईतामार थिए।

²तर नादाब र अबीहूचाहिँ तिनीहरूका पिताको मृत्‍युअघि नै कोही छोराहरू नजन्‍मीकनै मरे। यसैकारण एलाजार र ईतामारले पूजाहारीहरूको काम गर्थे। ⓗ

³दाऊदले एलाजारका सन्‍तान सादोक र ईतामारका सन्‍तान अहीमेलेकको परामर्श लिएर तिनीहरूका पूजाहारीहरूका आ-आफ्‍नो जिम्‍मेवारीअनुसार काम गर्नलाई दल बनाइदिए।

⁴तिनीहरूका घरानाका मुख्‍य पुरुषहरू ईतामारको भन्‍दा एलाजारको ज्‍यादा भेट्टाइए। त्‍यसकारण एलाजारका सन्‍तानबाट परिवारका सोह्र जना मुखिया र ईतामारका सन्‍तानबाट परिवारका आठ जना मुखियाहरू आ-आफ्‍नो दलमा बाँधिए।

⁵तिनले तिनीहरूका बीचमा चिट्ठा हालेर विनापक्षपात दलहरू बनाए, किनकि एलाजार र ईतामार दुवैका सन्‍तानमध्‍ये पवित्रस्‍थानका अधिकारीहरू र परमेश्‍वरका अधिकारीहरू थिए।

⁶नतनेलका छोरा शमायाह, जो एक लेवी र शास्‍त्री पनि थिए, तिनले राजा र अधिकारीहरूका सामुन्‍ने पूजाहारीहरूका नाउँ लेखे: सादोक पूजाहारी र अबियाथारका छोरा अहीमेलेक र पूजाहारीहरू र लेवीहरूका परिवार-परिवारका मुखियाहरू, अर्थात्‌ एलाजारका सन्‍तानबाट र ईतामारका सन्‍तानबाट पालोपालो एकएक परिवारको नाउँ तिनले लेखे।

⁷पहिलो चिट्ठा यहोयारीबको नाउँमा, दोस्रो यदायाहको,

⁸तेस्रो हारीमको, चौथो सोरीमको,

⁹पाँचौँ मल्‍कियाहको, छैटौँ मियामीनको,

¹⁰सातौँ हक्‍कोसको, आठौँ अबियाको,

¹¹नवौँ येशूअको, दशौँ शकन्‍याहको,

¹²एघारौँ एल्‍यासीबको, बाह्रौँ याकीमको,

¹³तेह्रौँ हुप्‍पाको, चौधौँ येशेबाबको,

¹⁴पन्‍ध्रौँ बिल्‍गाको, सोह्रौँ इम्‍मेरको,

¹⁵सत्रौँ हेजीरको, अठारौँ हप्‍पिसेसको,

¹⁶उन्‍नाईसौँ पतहियाहको, बीसौँ यहेजकेलको,

¹⁷एक्‍काईसौँ याकीनको, बाईसौँ गमूएलको,

¹⁸तेईसौँ दलायाहकोर चौबीसौँ माज्‍याहको नाउँमा निस्‍क्‍यो।

¹⁹तिनीहरूका पुर्खा हारूनले यो आदेश परमप्रभु इस्राएलका परमेश्‍वरबाट पाएका थिए। तिनले तोकेको यो विधिअनुसार जब तिनीहरू परमप्रभुको मन्‍दिरमा आफ्‍नो सेवाको काम गर्न जान्‍थे, तब तिनीहरूको सिलसिला यही थियो।

²⁰बाँकी लेवीहरूबाट:अम्रामका छोराहरूबाट:शूबाएल।शूबाएलका छोराहरूबाट:येहदयाह।

²¹रहब्‍याहका छोराहरूबाट:यिशियाह, जो रहब्‍याहका छोराहरूमध्‍ये जेठा थिए।

²²यिसहारको वंशका शलोमोत। शलोमोतका छोराहरूबाट:यहत।

²³हेब्रोनका छोराहरू:यरियाहचाहिँ जेठा, दोस्रा अमर्याह, तेस्रा यहासेल, चौथा यकमाम।

²⁴उज्‍जीएलका छोराहरू:मीका। मीकाका छोराहरूबाट: शामीर। मीकाका भाइ यिश्‍याह।

²⁵यिश्‍याहका छोराहरूबाट:जकरिया।

²⁶मरारीका छोराहरू:महली र मूशी। यजियाहका छोरा बनो।

²⁷मरारीका छोराहरू:यजियाहबाट:बनो, शोहम, जक्‍कूर र इब्री।

²⁸महलीबाट: एलाजार, जसका कोही छोराहरू थिएनन्‌।

²⁹कीशबाट:कीशका छोरा यरहमेल।

³⁰अनि मूशीका छोराहरू:महली, एदेर र यरीमोत। लेवीहरू आ-आफ्‍ना परिवारअनुसार यी नै थिए।

³¹राजा दाऊद, सादोक, अहीमेलेक, अनि पूजाहारी र लेवीका मुखियाहरूको उपस्‍थितिमा आफ्‍ना कुटुम्‍ब हारूनका सन्‍तानहरूले गरेझैँ यिनीहरूले पनि चिट्ठा हाले।